доналд трамп һиндистанни агаһландурди
америка пирезиденти доналд трамп һиндистанниң америкаға қаратқан қошумчә тамужна беҗи бәлгилимисини қобул қилғили болмайдиғанлиқини билдүрди.
түркийә авази радийоси хәвири: доналд трамп йапонийәдики г 20 рәһбәрләр йиғинида һиндистан баш министири нарендира моди билән көрүшидиғанлиқиға даир тивиттер һесабидин елан қилған байанатида, «йиллардин бери америкаға йуқири тамужна беҗи қойуватқан һиндистанниң әмдиликтә баҗни йәнә өстүргәнликидин ибарәт һәқиқәт үстидә баш министир моди билән сөһбәтлишишни сәвирсизларчә күтмәктимән» деди.
доналд трамп һиндистан һөкүмитиниң америкаға қарита бу ай башлатқан қошумчә тамужна беҗи бәлгилимисини қобул қилғили болмайдиғанлиқини вә буниң дәрһал әмәлдин қалдурулиши керәкликини тәкитлиди.
америка һөкүмити тәрәққий қиливатқан дөләтләргә сунған вә бәзи мәһсулатларниң америкаға баҗсиз киришигә имкан йаритип беридиған «тәрәққий қилдурулған таллаш системиси GTS пирограммиси» дин һиндистанни бу айниң бешида чиқиривәткән иди.
америка 2018 – йили март ейидин буйан йолға қойған полат вә алйумин беҗидин һиндистанни кәчүрүм қилишни рәт қилған болғачқа, һиндистанму 2018 – йили ийунда америка мәһсутлатлириға қаратқан тамужна беҗини %120 ашуридиғанлиқини елан қилған бирақ икки дөләт оттурисида давамлишиватқан сода музакирлири сәвәбидин йолға қойулмиған иди.
доналд трамп һөкүмити «тәрәққий қилдурулған таллаш системиси GTS пирограммиси» дин һиндистанни чиқиривитиш қарари алғандин кейин, бу айниң оттурилирида һиндистанму қарар мақуллап, америкидин емпорт қилиниватқан 28 түрлүк мәһсулатқа қошумчә тамужна беҗи йолға қойған иди.
مۇناسىۋەتلىك خەۋەرلەر
йавропада газ баһаси өрлиди
йавропада тәбиий газ баһаси түнүгүн (16-апрел) оттура шәрқтики җиддий вәзийәт сәвәбидин %7.5 өрлиди.