amérika bilen xitay otturisidiki soda urushi bezi asiya döletlirge paydiliq boldi
amérika bilen xitay arisida dawamlishiwatqan soda urushi asiya bilen amérika otturisidiki soda omumiiy sommisini töwenletken bolsimu, emma bezi asiya döletliri bu ehwalni paydiliq haletke aylanduralidi.
türkiye awazi radiyosi xewiri: amérika nopus istatistika idarisining sanliq melumatlirigha asaslanghanda, amérikaning asiya qitesidiki sodisining %82.5 ni teshkil qilidighan 10 chong soda shériki bilen tashqi soda omumiy sommisida körünerlik derijide özgirishler meydangha kelgen.
amérikaning asiya qitesi bilen soda omumiy sommisi 2019 – yilining deslepki 4 éyida 2018 yilining oxshash mezgilige sélishturghanda %2.5 töwenligen.
asiya döletlirining amérika bilen bolghan tashqi sodisidiki qizil reqem nisbiti %1.4 keynige chékingen.
amérikaning xitaydin import qilinghan mallargha qoshumche tamuzhna béji qoyushi, bezi asiya döletlirining amérika bilen bolghan sodisini alahide yuqiri kötürüshige paydiliq bolghan.
jenubiy koréye we wéyéntam bu döletlerning aldinqi qatarida turidu.
bu yilning deslepki 4 éyida jenubiy koréyening amérika bilen bolghan tashqi sodisi %52.6 yuqiri örligen. wéyéntamning amérika bilen bolghan tashqi sodisi %43.5 yuqiri örligen.
dékabir éyidin aprél éyighiche bolghan mezgilde wéyétnamning amérikagha qilghan éksport sodisi %38.3 yuqiri örligen. jenubiy koréyening %17.1 yuqiri örligen weziyette hindistanning éksport sodisi %12.5 lik éshish bilen asiyada 3 – orungha ötken.
bu döletler arisida yene, amérikadin import sodisini eng köp ashurghan dölet %17.5 bilen hindistan bolghan.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
