türkiyege kélidighan rusiyelik sayahetchilerning sani 7 milyondin ashidu

türkiye sayahet ajantiliri birliki idariy kéngishi bashliqi firuz baghlikaya, kéler yéli rusiyedin kélidighan sayahetchiler sanining 7 milyondin éshishini mölcherlewatqanliqini éytti.

türkiyege kélidighan rusiyelik sayahetchilerning sani 7 milyondin ashidu

 

türkiye awazi radiyosi xewiri: türkiye sayahet ajantiliri birliki idariy kéngishi bashliqi firuz baghlikaya rusiye ichki ishlar ministirliqi xadimliri we bashqa organliridiki bixeterlikni qoghdash xadimlirining tetilni ötküzüshige bolidighan döletler arisigha türkiyeni kirgüzüsh qarari üstide toxtaldi. 

uzundin buyan türkiyege kélidighan rusiye puqralirining mueyyen bir qismining cheklimige uchrishining özlirini biaram qilidighan bir ehwal bolup kéliwatqanliqini tekitligen firuz baghlikaya, «nurghun qétim hem kültür, hem sayahet ministirliqi shundaqla türkiye sayahet ajantiliri birliki oxshash bolmighan organlar bilen körüshüp, bu ehwalning özgertilishige yardem telep qilduq. axiri awazimiz qulaqqa yetti. mana shundaq bir qarar maqullandi. hemmiz intayin xoshalmiz» dédi.

firuz baghlikaya rusiyede türkiye sayahiti üchün muhim bir bazarning échilghanliqini tekitlep, «chünki ailirini qoshup hésablighinimizda, dölitimizni sayahet qilalmighan 45 milyonluq bir bazar échilghan boldi. 2020yilidin étibaren sayahetchiler sanida pewquladde örlesh bolidu. kéler yéli rusiyedin kélidighanlar sanining 7 milyondin éshishini mölcherlimektimiz» dédi.

 


خەتكۈچ: rusiye , sayahet , türkiye

مۇناسىۋەتلىك خەۋەرلەر