aprél éyidiki éksport reqimi yuqiri örlidi

türkiyening éksporti aprél éyida ötken yili (2018) ning oxshash mezgilidikige sélishturghanda %4.6 éship 14 milyard 480 milyon dollargha yetti.

aprél éyidiki éksport reqimi yuqiri örlidi

türkiye awazi radiyosi xewiri: türkiye istatistika idarisi bilen soda ministirliqining aprél éyigha munasiwetlik waqitliq tashqi soda istatistika reqemliri élan qilindi. buninggha asaslanghanda, aprél éyida éksport nisbiti ötken yilining oxshash mezgilidikige sélishturulghanda %4.6 éship 14 milyard 480 milyon dollargha yetken. bu mezgilde soda qizil reqimi %55.6 aziyip 2 milyard 982 milyon dollargha chüshken. éksportning importni toldurush nisbiti ötken yilining aprél éyida %67.4 bolghan bolsa, bu yilning aprél éyida %82.9 ge chiqqan.

2019-yili aprél éyida gérmaniyege 1 milyard 243 milyon dollarliq mal éksport qilinghan bolup, türkiyedin mal éksport qilinghan döletlerning ichide birinchi orunda turghan. ikkinchi orunda turghan engliyege 819 milyon dollarliq mal éksport qilinghan, üchinchi orundiki italiyege 777 milyon dollarliq mal éksport qilinghan, tötinchi orundiki iraqqa 754 milyon dollarliq mal éksport qilinghan.



مۇناسىۋەتلىك خەۋەرلەر