italiyedin 1 yawrogha 1 öy sétiwélishni xalamsiz?

italiyening sijilya shehiride 11 ming öy 1 yawrodin sétishqa sunuldi.

italiyedin 1 yawrogha 1 öy sétiwélishni xalamsiz?

türkiye awazi radiyosi xewiri: sijiliya shehiridiki mussoméli rayonluq hökümiti, rayonni janlandurush üchün bir layihe bashlidi.

siputnik agéntliqining xewer qilishiche, barghanséri nopusi aziyip kétip barghan yézini qaytidin awatlashturush, binakarliq mirasini qoghdash we sayahetni teshwiq qilish meqsitide, rayonluq hökümet rayonda tashlap qoyulghan 11 ming kona öyni intérnét arqiliq 1 yawrodin sétishqa chiqarghan. 

ottura esirdin qalghan tarixiy qeleler we chérkawlarnimu öz ichige alghan rayonda, sétilidighan öylerning üstige élanlar ésildi.

élan isilghan kona öylerni üstidiki nomur boyiche «www.case1euro.it» intérnét adrésidin sétiwalghili bolidu.

rayongha baralmaydighanlar intérnét torida nomur qoyulghan barliq öylerni bir - birlep köreleydu.

öyni 1 yawrogha sétiwalghandin kéyin, tapisigha ige bolushning birdinbir sherti rémont qildurush.

rayonluq hökümet öyni sétiwalghanlardin 8 ming yawro kapalet puli yatquzushni we öyning her bir kiwadirat métirigha 107 dollar xirajet qilip rémont qildürushni telep qilmaqta.

rémont qildurulghandin kéyin kapalet puli qayturup bérilidu we öyning tapisimu tapshurup bérilidu. eger rémont qildurulmighan teqdirde kapalet puli musadire qilinidu.

yézida rémont ishlirini qildurghili bolidighan inzhénér we qurulush ustilirining barliqi, biraq  öy igisi xalisa, özliri rémont guruppisini élip kelsimu bolidighanliqi eskertildi.  


خەتكۈچ: öy - mülük , italiye

مۇناسىۋەتلىك خەۋەرلەر