италийәдин 1 йавроға 1 өй сетивелишни халамсиз?

италийәниң сиҗилйа шәһиридә 11 миң өй 1 йавродин сетишқа сунулди.

италийәдин 1 йавроға 1 өй сетивелишни халамсиз?

түркийә авази радийоси хәвири: сиҗилийа шәһиридики муссомели районлуқ һөкүмити, районни җанландуруш үчүн бир лайиһә башлиди.

сипутник агентлиқиниң хәвәр қилишичә, барғансери нопуси азийип кетип барған йезини қайтидин аватлаштуруш, бинакарлиқ мирасини қоғдаш вә сайаһәтни тәшвиқ қилиш мәқситидә, районлуқ һөкүмәт районда ташлап қойулған 11 миң кона өйни интернет арқилиқ 1 йавродин сетишқа чиқарған. 

оттура әсирдин қалған тарихий қәләләр вә черкавларниму өз ичигә алған районда, сетилидиған өйләрниң үстигә еланлар есилди.

елан исилған кона өйләрни үстидики номур бойичә «www.case1euro.it» интернет адресидин сетивалғили болиду.

районға баралмайдиғанлар интернет торида номур қойулған барлиқ өйләрни бир - бирләп көрәләйду.

өйни 1 йавроға сетивалғандин кейин, таписиға игә болушниң бирдинбир шәрти ремонт қилдуруш.

районлуқ һөкүмәт өйни сетивалғанлардин 8 миң йавро капаләт пули йатқузушни вә өйниң һәр бир кивадират метириға 107 доллар хираҗәт қилип ремонт қилдүрушни тәләп қилмақта.

ремонт қилдурулғандин кейин капаләт пули қайтуруп берилиду вә өйниң таписиму тапшуруп берилиду. әгәр ремонт қилдурулмиған тәқдирдә капаләт пули мусадирә қилиниду.

йезида ремонт ишлирини қилдурғили болидиған инженер вә қурулуш устилириниң барлиқи, бирақ  өй игиси халиса, өзлири ремонт гурупписини елип кәлсиму болидиғанлиқи әскәртилди.  



مۇناسىۋەتلىك خەۋەرلەر