түркийә һава йоллири ширкити йолучиларға йеңи сайаһәт пиланини йолға қойди

түркийә һава йоллири ширкити (THY) туристанбул (Touristanbul) лайиһәси даирисидә башлиған паалийәтлири арқилиқ транзит (transit) йолучиларниң шәһәрниң тарихий вә тәбиий гүзәлликлирини тонуш пурситигә игә қилиду.

түркийә һава йоллири ширкити йолучиларға йеңи сайаһәт пиланини йолға қойди

түркийә авази радийоси хәвири: хәлқаралиқ транзит йолучилириға қарита йолға қойулған һәқсиз шәһәр сайаһити лайиһәси, истанбулни алмишиш нуқтиси қилип таллиған йолучиларни бир қетимлиқ истанбулни кәйиплик сайаһәт қилиш пурситигә игә қилиду.

истанбул айродурумида алтә саәттин 24 саәткичә тохтап өтидиған йолучилар, бу арилиқта истанбулниң тарихий вә мәниви байлиқлирини тонуш пурситигә еришиду. истанбул айродурумидин «туристанбул» аптобусиға олтурған йолучилар, йол башлиғучиниң йардимидә сайаһәт қилип, учуш саитигә үлгүртүп айродурумға елип келиниду.

йолучиларниң разимәнликигә һәссә қошушни, хәлқаралиқ транзит йолучилар базиридин қолға келидиған пайдини ашуруп, сайаһәтчиликни қоллашни нишан қилған түркийә һава йоллири ширкити, һәр күни елип берилидиған охшимиған алтә пирограммиға, бу ай (5-ай) дин башлап истанбул боғузи кәчлик сайаһәт пирограммисини қошти.

бу пирограмма 2019-йили 31-өктәбиргичә давамлишидикән.



مۇناسىۋەتلىك خەۋەرلەر