xitay iqtisadiy éshish nishanini %6.5-6 giche qilip békitken

xitay bash ministiri li kéchyang 2019-yilliq iqtisadiy éshish nishanining %6.5-6 etrapida ikenlikini élan qildi.

1157155
xitay iqtisadiy éshish nishanini %6.5-6 giche qilip békitken

türkiye awazi radiyosi xewiri: xitay memliketlik xelq qurultiyining 13-nöwetlik 2-omumiy yighini paytext béyjingdiki xelq chong sariyida échildi. yighingha, dölet reisi shi jinping, bash ministir li kéchyang we bashqa her qaysi jaylardin kelgen 2 ming 956 wekil qatnashti.

li kéchyang yighinda hökümet xizmitidin doklat bérip, 2019-yilda yolgha qoyulidighan iqtisadiy we pul-muamile siyasetliri, kembeghellikni azaytip ishqa orunlashturushni köpeytish we dölet mudapiesige ajritilghan xamchotlar toghrisida toxtaldi.

li kéchyang omumiy weziyetni közde tutup 2019-yilliq iqtisadiy éshish we ijtimaiy tereqqiyat nishanini belgiligenliklirini, iqtisadiy éshish nishanining %6 din %6.5 etrapida bolidighanliqini bildürdi.

li kéchyang iqtisadiy éshish nisbitining memliket ichi we xelqaradiki teleplerge uyghun ikenlikini qeyt qilip, chong iqtisadiy döletler arisida nahayiti yuqiri nisbet ikenlikini eskertti.



مۇناسىۋەتلىك خەۋەرلەر