iranning néfit éksporti chékinishke yüzlendi
iranning tashqi kirimlirining körünerlik bir qismini teshkil qilidighan néfit éksporti aziyishqa yüzlendi.
türkiye awazi radiyosi xewiri: bir tereplime halda iran bilen tüzülgen yadro kélishimidin chékingenlikini élan qilghan amérika qoshma ishtatlirining iranning déngiz toshumichiliqi, maliye we énérgiye sahelirini öz ichige alghan ikkinchi basquchluq émbargosi, 2018 – yili noyabirda ijra qilinishqa bashlandi. shuningdin kéyin iran memliketlik néfit shirkiti, iran néfit sodisi shirkiti we milliy tanker shirkiti xelqara miqyasida cheklimige uchridi؛ iqtisadi asasen néfitqa tayinidighan iranning néfit we néfit mehsulatliri éksportigha émbargo yürgüzüldi.
émbargodin ilgiri künlük otturiche 2 milyon 400 milyon waril néfit éksport qilidighan iranning, émbargodin kéyinki néfit sétish miqdari 1 milyon warildinmu azlap ketti.
iranning xam néfit éksporti 2018 – yilining deslepki aylirida künlük otturiche 2 milyon 400 milyon waril néfit éksport qilghan bolsa, yil axirigha kelgende bu miqdar tengmu teng töwenlidi.
iran dölet kirimlirining %70 ge yéqinini néfit éksport arqiliq temin qilidu.
iranda néfit kirimi 2017 – yili 50 – 55 milyard dollar bolghan bolsa, 2018 – yili 30 – 35 milyard dollargha chüshti. néfit kirimlirining 2019 – yili 20 milyard dollargha chüshüp qélish éhtimali barliqi qeyt qilinmaqta.
