firansiyediki namayishlar iqtisadiy éshishni astilatqan

türkiye awazi radiyosi xewiri: firansiye döletlik istatistika we iqtisadiy tetqiqatlar inistituti (INSEE) 2018-yili üchün hökümetke qarshi zorawanliq tüsini alghan namayishlar sewebidin texmin qilghan iqtisadiy éshish reqimini %1.7 din %1.5 ke chüshürdi.

döletlik istatistika we iqtisadiy tetqiqatlar inistitutining élan qilghan melumatlirigha asaslanghanda, 2018-yilning axirqi charikide yawropaning 2-chong iqtisadiy döliti firansiyening iqtisadiy éshishi kütülgendin töwen bolidiken.

yil (2018) béshida axirqi charekte %0.4 iqtisadiy éshishni texmin qilghan, biraq buni ikkinchi charekte %0.3 ge chüshürgen döletlik istatistika we iqtisadiy tetqiqatlar inistituti, yil axiridin qisqighine waqit ilgiri bu sanni %0.1 töwenlitip, %0.2 dep yéngilidi. shuning bilen, firansiyening 2018-yilliq iqtisadiy éshish reqimi %1.7 din %1.5 ge töwenligen boldi.

iqtisadiy éshishning axirqi töwenlishige, sériq jilitkiliklerning hökümetke qarshi namayishliri eng chong seweb qilip körstildi. buningdin bashqa, namayishlardin ilgiriki soda urushi sewebidin soda ishenchining aziyishimu yene bir seweb qilip körsitildi.

17-noyabir yéqilghu bahasining we iqtisadiy sharaitlarning nacharlishishigha naraziliq bildürülüp bashlanghan, emma uzun ötmeyla pirézidént makron hökümitige qarshi ghezepke aylanghan sériq jilitkiliklerning namayishliri, firansiyede yéqinqi yillarda yüz bergen eng shiddetlik namayishlarning biri bolup qaldi.

bina we öylerge ot qoyup bérilgen, magézinlar bulang-talang qilinghan namayishlar sewebidin, eng köp soda-sétiq qilinidighan mezgil dep qarilidighan rozhdéstwa harpisidin burun, parizhdiki magézinlar taqilishqa mejbur boldi.

sayahetchilikkimu tesir körsetkenliki bildürülgen namayishlarning keltürüp chiqarghan iqtisadiy ziyinining, 10 milyardlarche yawro ikenliki qeyt qilinmaqta.