ирақ нефит ишләпчиқириш миқдарини азайтишни қарар қилди
ирақ, күнлүк нефит ишләпчиқириш миқдарини 139 миң варил қисқартишни қарар қилди.
түркийә авази радийоси хәвири: ирақ, нефит експорт қилғучи дөләтләр тәшкилати – опек вә тәшкилатқа әмәс нефит ишләпчиқарғучи дөләтләрниң күнлүк нефит ишләпчиқириш миқдарини азайтиш қарариға асасән, күнлүк нефит ишләпчиқириш миқдарини 139 миң варил қисқартишни қарар қилди.
ирақ нефит ишлири министири самир ғәдбан йазма байанат елан қилип, опек вә тәшкилатқа әза әмәс ишләпчиқарғучи дөләтләрниң күнлүк нефит ишләпчиқириш миқдарини азайтиш қарари даирисидә, дөлитиниң күнлүк нефит ишләпчиқиришини 139 миң варил қисқартидиғанлиқини қәйт қилди.
австрийәниң пайтәхти вийеннада чақирилған 5 – нөвәтлик опек вә опекқа әмәс дөләтләр йиғинида, опекниң күнлүк 800 миң варил, опекқа әмәс дөләтләрниң күнлүк 400 миң варил ишләпчиқиришни қисқартиши тоғрисида қарар мақулланғаниди.
бу даиридә сәуди әрәбистанниң күнлүк 500 миң варил, русийәниң 228 миң варил нефит ишләпчиқиришни қисқартидиғанлиқи елан қилинғаниди.
مۇناسىۋەتلىك خەۋەرلەر
йавропада газ баһаси өрлиди
йавропада тәбиий газ баһаси түнүгүн (16-апрел) оттура шәрқтики җиддий вәзийәт сәвәбидин %7.5 өрлиди.