médwédéw soda urushining ziyanliri üstide toxtaldi

türkiye awazi radiyosi xewiri: médwédéw paytext moskwada ötküzülgen yilliq axbarat élan qilish yighinida, iqtisad saheside körülgen yéqiniqi ehwallar üstide toxtaldi.

médwédéw téxi yéqindila «chet el mebleghchiler komitéti» namliq bir teshkilat bilen körüshkenlikini chüshendürüp, «bular tirilyonlarche dollarni kontirol qiliwatqan dunyaning eng chong shirketlirining wekilliri idi. hemmisi rusiye bazirigha alahide qiziqmaqta» dédi. 

amérika we bezi gherb döletliri mesullirining rusiyege qaritilghan émbargolarni tosup qilishqa tirishqanliqini ilgiri sürgen médwédéw: «rusiyege qaritilghan émbargolarning chaqigha téken téqishni xalaydu, bashqa döletler téximu munasip pozitsiye tutup émbargolarning ziyinini ünlük bir shekilde tilgha élishmaqta» dédi.

médwédéw soda urushi sewebidin dunya iqtisadining körünerlik derijide ziyangha uchrighanliqini bildürüp, «émbargolar emdilikte kündilik tebiiy hadisige aylinip qaldi. soda urushliri dunya iqtisadigha texminen yérim tirilyon dollar ziyan saldi. dölitimizge qaritilghan émbargolar we bizning tashlighan qarshi qedemlirimiz sewebidin omumiy ziyan 100 milyard dollargha yetti» dédi. 

rusiyening dollar ishlitishni toxtidighanliqini tekitligen médwédéw, «iqtisadning dollarsizlashturilishi, dégenlik dollardin waz kéchish dégenlik bolmaydu. biz dollarning rusiyediki aylinishigha mudaxile qilmaymiz» dédi.