firansiye puqralirining ammiwi taratqulardiki sehipilirining tekshürülidighanliqini uqturdi
firansiye malinye ministiri gérald darmanin baj oghrilash qilmishlirigha qarshi küresh dairiside yéngi yilning bashliridin étibaren firansiye puqralirining ammiwi taratqulardiki sehipilirining tekshürüküshke bashlinidighanliqini éytti.
türkiye awazi radiyosi xewiri: darmanin bir téléwiziye qanilining ziyaritini qobul qilghanda bergen bayanatida, hökümetning baj oghrilash we bu heqte yalghan melumat bérish qilmishlirini sadir qilghuchilargha qarshi küreshning dairisining kéngeytilidighanliqini tekitlep mundaq dédi: «2019 – yildin étibaren puqralirimizning Facebook , Instagram we Twitter qatarliq ammiwi taratqulardiki sehipilirini tekshürüshke bashlaymiz, bu arqiliq ularning baj heqqide bergen melumatlirining rast – yalghanliqini éniqlap chiqimiz, bezi insanlarning <bu normal ehwal emes, kirimi nahayiti az bolushigha qarimay, bayashat yashawatqan kishiler bar> dewatqanliqini anglawatimiz. derweqe, bezilerning kirimi az bolsimu, emma ésil aptomobillargha minip chüshken resimlirini hembehirlishiwatqanliqini körüwatimiz. tekshürüsh netijiside ularning baj oghrilap oghrilimighanliqi ayan bolidu.»
ministir darmaninning bu sözliridin kéyin, «hökümet ammiwi taratqulargha mexpiy baylarni owlashqa chiqidu» teriqiside uchurlar tarqilishqa bashlidi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.