фирансийә пуқралириниң аммиви таратқулардики сәһипилириниң тәкшүрүлидиғанлиқини уқтурди

фирансийә малинйә министири гералд дарманин баҗ оғрилаш қилмишлириға қарши  күрәш даирисидә йеңи йилниң башлиридин етибарән фирансийә пуқралириниң аммиви таратқулардики сәһипилириниң тәкшүрүкүшкә башлинидиғанлиқини ейтти.

1086931
фирансийә пуқралириниң аммиви таратқулардики сәһипилириниң тәкшүрүлидиғанлиқини уқтурди

түркийә авази радийоси хәвири: дарманин бир телевизийә қанилиниң зийаритини қобул қилғанда бәргән байанатида, һөкүмәтниң баҗ оғрилаш вә бу һәқтә йалған мәлумат бериш қилмишлирини садир қилғучиларға қарши  күрәшниң даирисиниң кеңәйтилидиғанлиқини тәкитләп мундақ деди: «2019 – йилдин етибарән пуқралиримизниң Facebook , Instagram  вә Twitter  қатарлиқ  аммиви таратқулардики сәһипилирини тәкшүрүшкә башлаймиз, бу арқилиқ уларниң баҗ һәққидә бәргән мәлуматлириниң раст – йалғанлиқини ениқлап чиқимиз, бәзи инсанларниң <бу нормал әһвал әмәс, кирими наһайити аз болушиға қаримай, байашат йашаватқан кишиләр бар> дәватқанлиқини аңлаватимиз. дәрвәқә, бәзиләрниң кирими аз болсиму, әмма есил аптомобилларға минип чүшкән рәсимлирини һәмбәһирлишиватқанлиқини көрүватимиз. тәкшүрүш нәтиҗисидә уларниң баҗ оғрилап оғрилимиғанлиқи айан болиду.»

министир дарманинниң бу сөзлиридин кейин, «һөкүмәт аммиви таратқуларға мәхпий байларни овлашқа чиқиду» тәриқисидә учурлар тарқилишқа башлиди.



مۇناسىۋەتلىك خەۋەرلەر