amérika irangha yéngi émbargo yürgüzülidighanliqini élan qildi

amérika pirézidénti donald tramp 2015-yili iran bilen tüzülgen yadro kélishimidin öz aldigha chékinidighanliqlirini élan qilip uzun ötmey, maliye ministirliqimu irangha yürgüzülidighan yéngi émbargolarni élan qildi.

968840
amérika irangha yéngi émbargo yürgüzülidighanliqini élan qildi

türkiye awazi radiyosi xewiri:amérika maliye ministirliqi iran inqilabiy muhapizetchiler qismigha chétishliq ikenliki sewebidin alte kishi we üch shirketning qara tizimlikke kirgüzülgenlikini élan qildi.

amérika maliye ministirliqining bu heqtiki qararida, meghdad amini, muhemmed hesen xudayi, seid najafpur, mesud nikbext, fuad salihi we muhemmed riza xedmati weledzaghard qatarliq alte kishining iran inqilabiy muhapizetchilirining quddus qismigha chétishliq ikenliki ilgiri sürüldi.

iranliq général qasim sulaymanmani qomandanliqidiki quddus küchi 2007-yildin buyan amérikaning "térrorluqni qollaydighan unsurlar" tizimlikide turmaqta.

amérika maliye ministirliqining émbargo qararidin burun bayanat élan qilghan iran pirézidénti hesen ruhani: "amérikaning irangha qarshi yolgha qoyidighan yéngi émbargosi b d t xewpsizlik kéngishining 2231-nomurluq qararigha we xelqaraliq pirinsiplargha xilapliq qilghanliq bolidu" dégen idi.  



مۇناسىۋەتلىك خەۋەرلەر