йавропа иттипақи комитети байанатчиси: түркийәгә бәргән вәдимиздә турушимиз керәк
йавропа иттипақи комитети байанатчиси наташа бертавд йавропа иттипақи дөләтлириниң «көчмәнләр келишими» даирисидә түркийәгә берилидиған 3 милйард йавролуқ малийә йардиминиң 2 милйард йавролуқ қисмини хамчоттин бериш керәкликини ейтти.
түркийә авази радийоси хәвири: бертавд бирйусселда өткүзүлгән ахбарат елан қилиш йиғинида бу һәқтә тохталғанда, мундақ деди: «түркийәгә берилгән 1 милйард йавролуқ йардәмниң дәсләпки қисми йавропа иттипақи хамчотидин аҗритилди, 2 милйард йавролуқ қисми болса йавропа иттипақи дөләтлириниң хамчотлиридин аҗритилиду, бу хизмәтни ишқа кириштүрүш үчүн йавропа иттипақи кеңиши билән музакирә елип бериватимиз. җүмлидин, бу һәқтә түркийәгә бәргән вәдимиздә турушимиз керәк.»
бәзи йавропа иттипақи әллириниң түркийәгә берилидиған йардәмни рәт қилғанлиқиға алақидар соалға җаваб бәргән бертавд, «йавропа иттипақиниң хамчоти чәксиз әмәс» деди.
14 – март күни йавропа иттипақи 2016 – йили имзаланған «көчмәнләр келишими» гә асасән түркийәгә вәргән вәдиси бойичә 3 милйард йавролуқ йардәмниң иккинчи қисмини беришкә алақидар қарарнамини тәстиқлиғанлиқини уқтурғаниди.
