amérika qoshma ishtatlirida oqutquchilar ish tashlidi
amérika qoshma ishtatlirining wirginiye ishtatidiki oqutquchilarning ish tashlishi sewebidin dölet qarmiqidiki 685 mektep taqaq halette turmaqta.
türkiye awazi radiyosi xewiri: buningdin bir hepte ilgiri wirginiye ishtatidiki dölet qarmiqidiki herqaysi mekteplerning 20 ming oqutquchisi maashini östürüp bérishni telep qilip ish tashlighan idi.
jumhuriyetchiler köp sanliqni teshkil qilidighan ishtatliq palata uda 4 yildin buyan maashi östürüp bérilmigen oqutquchilarning maashini % 5 östürüp bérish nishan qilinghan qararnamini maqullashni ret qildi.
uyushma mesulliri uyushma ezalirining palataning qararidin qattiq ghezeplengenlikini, shunga ish tashlashni dawamlashturidighanliqlirini uqturdi.
maarip idarisi teripidin élan qilinghan bayanattimu, ishtatqa qarashliq 55 rayondiki dölet tewelikidiki mektepler taqaq halette qalidiken.
wérginiye ishtatining waliysi jim jastik oqutquchilarning maashini bu yil % 2, kéler 2 yilda % 1 östürüp bérish nishan qilinghan qararnamini ötken hepte imzalighan, emma oqutquchilar buni yétersiz dep qarap ötken hepte ish tashlighan idi.
waliy jastik 26 – féwral küni oqutquchilar bilen söhbet élip barghanda, maarip sahesidiki mesililerni hel qilish üchün 10 kün ichide xizmet guruppisi teshkil qilishqa wede bérip, oqutquchilardin ish tashlashni axirlashturushini telep qilghan idi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
