berdimuhemmedow: bu kün türkmenistanning tarixigha altun herpler bilen yézilidu
türkmenistan – afghanistan – pakistan – hindistan (tapi) tebiiy gaz turuba liniyesining afghanistan qismining qurulushi 23 – féwralda bashlinidu.
türkiye awazi radiyosi xewiri: türkmen hökümitining kéngeytilgen yighinida, türkmenistan – afghanistan – pakistan – hindistan tebiiy gaz turuba liniyesi qurulushini bashlashqa dair teyyarliq xizmetliri muzakire qilindi.
mehelliy taratqularning xewer qilishiche, 23 – féwralda yene türkmenistan – afghanistan – pakistan énérgiye liniyesining ul téshini qoyush murasimimu ötküzülidiken.
türkmenistan pirézidénti gurbanguli berdimuhemmedow, dölitining rayonda türkmenistan – afghanistan – pakistan – hindistan tebiiy gaz turuba liniyesidin bashqa bolupmu énérgiye we télékom, qatnash we uchur – alaqe saheliri boyiche muhim pilanlarni ishqa ashurushqa teyyarliniwatqanliqini bildürdi. u sözini dawamlashturup, «23- féwralda biz hemkarliq ornatqan bashqa döletlerning lidérliri bilen birlikte, türkmen gazini asiya döletlirige yetküzidighan türkmenistan – afghanistan – pakistan – hindistan tebiiy gaz turuba liniyesi qurulushini bashlishimiz, musteqil we biterep dölitimiz tarixigha altun herpler bilen yézilidu» dédi.