повел америка мәркизий банкисиниң башлиқлиқиға тәйинләнди

америка палатаси, пирезидент доналд трамп тәрипидин америка мәркизий банкиси башлиқлиқиға намзат қилип көрситилгән җероме повелниң башлиқ болушини мақуллиди.

повел америка мәркизий банкисиниң башлиқлиқиға тәйинләнди

түркийә авази радийоси хәвири: нөвәттә америка мәркизий банкиси рәһбәрлик аппарати әзаси сүпитидә вәзипә өтәватқан повелниң намзатлиқи палатадики беләт ташлашта 12 гә қарши 85 аваз билән қобул қилинди.

дунйаниң әң муһим мәркизий банкилириниң бири һесаблинидиған америка мәркизий банкисиниң йеңи башлиқи болуш салаһийитигә еришкән повел, қәсәм бәргәндин кейин нөвәттики мәркизий банка башлиқи җанет йеленниң орнини игиләйду.

повелниң 2012 – йилидин буйан бирликтә хизмәт қиливатқан йелениң пул башқуруш сийаситини давамлаштуруши күтүлмәктә. пат арида америка мәркизий банкисиниң башлиқлиқини өткүзүвалидиған повелниң байлиқиниң малийә саһәсидики «утуқлуқ» хизмәтлири сайисида 55 милйон долларға йәткәнлики дәп тәхмин қилинмақта. бу, повелниң 1940 – йиллардин буйанқи әң бай америка мәркизий банкиси башлиқи болидиғанлиқини көрситип бериду.

сийасәт вә қанун саһәлиридә оқуған повел, банкиниң 40 йилға йеқин вақиттин буйанқи «иқтисад дипломиға игә әмәс бирдинбир башлиқи» болуш алаһидиликигиму игә болиду.

банкиға 1978 – йилидин кейин башлиқ болған паул волкер, алан гренспан, бен бернанке вә җанет йелен қатарлиқ иқтисад саһәсидә докторлуқ унванлириға игә иди.



مۇناسىۋەتلىك خەۋەرلەر