америка мәркизий банкисиниң башлиқи конгрәдә соалларға җаваб бәрди

америка мәркизий банкиси (Fed) ниң башлиқи җенит йелин когрә әзалириниң мәркәз банкисиниң сийасәтлири тоғрисида сориған соаллириға җаваб бәрди.

769914
америка мәркизий банкисиниң башлиқи конгрәдә соалларға җаваб бәрди

түркийә авази радийоси хәвири: америка мәркизий банкисиниң башлиқи җенит йелин феврал ейида вәзиписидин айрилиши мумкинликини билдүрди. у америка авам палатасида конгрә әзалириниң дөләт иқтисади вә мәркәз банкисиниң сийасәтлири тоғрисида сориған соаллириға җаваб бәрди.

конгрәниң бир әзаси дәсләпки төт йиллиқ вәзипә өтәш муддитиниң 2018-йили 3-февралда тошидиған йелиндин қайта вәзипигә қойулуш тәклипини қобул қилип-қилмайдиғанлиқини сориди.

йелин бу мәсилини пирезидент трамп билән сөзләшмигәнликини әскәртип: «дәсләпки вәзипә өтәш муддитимни тошқузушқа нисбәтән ирадәм қәтий, диққитимни конгрә тәрипидин бәлгиләнгән нишанимизға йетишқа мәркәзләштүрүватимән, бу соал тоғрисида анчә көп ойлашмидим» дәп җаваб бәрди.

йәнә бир конгрә әзаси йелиндин охшаш соал сориди. йелин: «пирезидент трамп билән бу һәқтә көрүшүшкә тәййармән» дәп җаваб бәрди. у, «бу сизниң ахирқи доклатиңиз болуп қаларму?» дегән соалға: «вәзипә өтәш муддитимниң 2018-йили феврал ейида ахирлишидиғанлиқиға қариғанда, шундақ болуп қелиши мумкин» дәп җаваб бәрди.

у мәркәз банкисиниң бир қанчә йил ичидә өсүмни давамлиқ өстүридиғанлиқини, %2 лик пул пахаллиқ нисбитини өзгәртишниң талаш-тартиш қилидиған мәсилә әмәсликини әскәртти. у, «мәркәз банкиси пул пахаллиқини %2 гә чүшүрүш нишаниға қарап илгириләшниң орниға йирақлишиватиду» дегән қарашларға қошулмайдиғанлиқини әскәртип: «алдимиздики бир қанчә йил ичидә пул пахаллиқини %2 гә чүшүрүш нишанидин йирақлашти дегәнләр, өзлириниң балдур дәп салғанлиқини билиду» деди.

у ишқа орунлишиш нисбитидики ешиш вә иш һәққи мунасивәтлириниң бурунқиға қариғанда аҗизлиғанлиқини билдүрүп, мәркәз банкисиниң бу сәвәбтин пул пахаллиқини давамлиқ йеқиндин көзитидиғанлиқини билдүрди.



مۇناسىۋەتلىك خەۋەرلەر