dunya boyiche tapawiti eng yuqiri 100 meshhur kishi

«Forbes» zhurnili dunya boyiche eng bay 100 meshhurning 2016 – yili iyun éyidin 2017 – yili iyun éyighiche bolghan mezgilde 5 milyard 150 milyon dollar kirim qilghanliqini élan qildi.

751361
dunya boyiche tapawiti eng yuqiri 100 meshhur kishi

türkiye awazi radiyosi xewiri: dunya boyiche kirimi eng yuqiri amérikiliq kino artisi, rizhéssor we rap muzikanti séns kombs bolup tallandi.

amérikining nopuzluq soda – sanaet we iqtisad zhurnili «Forbes» dunya boyiche tapawiti eng yuqiri 100 cholpanni élan qildi.

«Forbes» zhurnili her yili tekshurüp békitip chiqidighan ataqliqlar tizimlikide, «Diddy» dégen leqimi bilen tonulghan amérikiliq kino artisi, rizhéssor we rap muzikanti séns kombs  2016 – yili iyun éyidin 2017 – yili iyun éyighiche bolghan mezgilde 130 milyon dollar kirim qilish arqiliq birinchi orungha ötti. 

bu mezgilde amérikning muzikant we kino artisi béyonje bolsa, 105 milyon dollar kirim qilish arqiliq ikkinchi, «Harry Potter» namliq köp qisimliq kitlabning yazghuchisi «J.K. Rowling» 95 milyon dollar kirim qilish arqiliq üchinchi boldi.

oxshash mezgilde yene kanadaliq naxshichi dirak 94 milyon dollar kirim qilip, tötinchi, portégaliyelik putbolchi chéristino ronaldo 93 milyon dollar kirim qilip 5 – boldi.

2016 – yili iyun éyidin 2017 – yili iyun éyighiche bolghan mezgilde dunya boyiche tapawiti eng yuqiri 100 meshhur kishining öchten biridin köprekining amérikiliq ikenliki qeyt qilindi. tézimliktiki meshhurlarning %20 ning yawropaliq, %5 ning asiyaliq ikenliki bildürüldi.

«Forbes» zhurnili dunya boyiche eng bay 100 meshhurning 2016 – yili iyun éyidin 2017 – yili iyun éyighiche bolghan mezgilde qolgha keltürgen omumiy kirimining 5 milyard 150 milyon dollar bolghanliqini élan qildi.


خەتكۈچ: #iqtisad , #cholpan , #amérika

مۇناسىۋەتلىك خەۋەرلەر