jenubiy afriqida afriqa néfit we énérgiye konféransi échilidu
2017-yilliq afriqa néfit we énérgiye konféransi 5-iyun jenubiy afriqa jumhuriyitining kapétown shehiride bashlinidu.
türkiye awazi radiyosi xewiri: jenubiy afriqida échilidighan 2017-yilliq afriqa néfit we énérgiye konféransida dunya énérgiye teminlesh zenjiridiki chong oyunchilar we rayondiki dangliq shirketler bir yerge jem bolidu. yighin kapétown xelqara kongre merkizide üch kün dawamlishidighan bolup, 63 söz qilghuchi we mezkur sahede paaliyet qiliwatqan shirketlerning 500 neper wekili qatnishidu.
énérgiye bazirida néfit bahasining töwen bolushi mutleq üstünlükni igiligen bu mezgilde afriqa döletliridiki sélinma imkaniyetliri muhakime qilinidighan bu qétimqi konféransta, sélinmilarning qanuniy we pul-muamile basquchlirimu muzakire qilinidu. konféransta, énérgiye sahesidiki chong shirketler arisida özara hemkarlishishqa imkaniyet yaritip béridighan paaliyetler ötküzülüpla qalmastin, qanun we pul-muamile sahelirini öz ichige alghan teminlesh zenjiridiki rayonning chong shirketliri bir-biri bilen uchrishidu.
konféransta söz qilidighanlarning arisida shirket bashqurghuchiliri, rayondiki döletlerning dölet bashliqliri we énérgiye ministirlirimu bar bolup, igilinishiche, anadolu agéntliqimu konféransning uchur-alaqe shériki bolghan.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
