sayahet shirketliri türkiyeni tonutush üchün seudi erebistangha bardi

türkiye awazi radiyosi xewiri: istanbul sayahet agéntliqliri jemiyiti bashliqi hesen bayram, jumhur reis rejep tayyip erdoghan teripidin sayahetchilikke küch qoshush meqsitide bashlitilghan «qoshnangni élip kel» seperwerlik paaliyitini qollap – quwwetlesh üchün seudi erebistanda uchrishishlarni ötküzidighanliqlirini bildürdi.

seudi erebistan, qatar, dubeyge oxshash pars qoltuqi elliri we ereb döletliridiki tughqan we tonushlargha sayahette étibar qilish seperwerlik paaliyiti toghrisida melumat béridighanliqlirini eskertken bayram, ötken yili pars qoltuqi we ereb elliridin 2 milyondin artuq sayahetchi kelgenlikini qeyt qildi.

bayram, jumhur reis erdoghanning bu döletlerge qaratqan ziyaretliridin kéyin kelgen sayahetchi sanining %20 ashqanliqini sözlirige ilawe qildi.

ereb sayahet shirketliri we sayahetchilikni rawajlandurush jemiyiti bashliqi ehmed qirq bolsa, jiddediki sayahet yermenkisige 3 kün ishtirak qilidighanliqlirini, 2017 – yili pars qoltuqi we ereb elliridin 5 milyon sayahetchining kélishini kütüwatqanliqlirini bildürdi.

mezkur döletliridin kélidighan sayahetchilerning peqet istanbulnila emes, trabzon, bursa, sapanja, yalowa we chanaqqelege oxshash yéshilliq, tebiet we su mol jaylarni yaxshi köridighanliqini qeyt qilghan qirq, bu rayon xelqining türkiyege bolghan qiziqishining künséri küchiyiwatqanliqini eskertti.