داۋوس يىغىنىغا تۈركىيەگە ۋاكالىتەن مۇئاۋىن باش مىنىستىر قاتنىشىدۇ
47 – نۆۋەتلىك دۇنيا ئىقتىساد مۇنبىرى يىغىنىغا تۈركىيەگە ۋاكالىتەن مۇئاۋىن باش مىنىستىر مەھمەت شىمشەك باشچىلىقىدىكى ھەيئەت تۈنۈگۈن (18-يانۋار) داۋوسقا يۈرۈپ كەتتى.
تۈركىيە ئاۋازى رادىيوسى خەۋىرى: تۈركىيە مۇئاۋىن باش مىنىستىرى مەھمەت شىمشەك داۋوس يىغىنىغا قاتنىشىدۇ ۋە مۇھىم سۆز قىلىدۇ. ئۇ «سەزگۈر ۋە مەسئۇلىيەتچان رەھبەرلىك»، «20 – گ گۇرۇھى يىغىنىنىڭ كۈنتەرتىپى»، «يېڭى تەرەققىيات يولىنى پىلانلاش»، «سۈرىيە ۋە ئىراق: ئىختىلاپلارنى تۈگىتىش»، «مۇئاۋىن باش مىنىستىر مەھمەت شىمشەك بىلەن سۆھبەت» قاتارلىق كونفېرانسلاردا نۇتۇق سۆزلەيدۇ.
سۈرىيە كىرىزىسى ۋە دۇنيادىكى توقۇنۇشلارنىمۇ ئۆز ئىچىگە ئالغان كۆپلىگەن مەسىلىلەر تالاش - تارتىش قىلىنىدىغان داۋوس مۇنبىرىدە، يەر شارى خاراكتېرلىك ھەمكارلىقنى كۈچەيتىش، ئىقتىسادىي تەرەققىياتنى جانلاندۇرۇش، كاپىتالىزمنى ئىسلاھ قىلىش ۋە 4 – سانائەت ئىنقىلابىغا تەييارلىنىش قاتارلىق مەسىلىلەرنى چۆرىدىگەن ھالدا مۇزاكىرە ئېلىپ بېرىلىدۇ.
يىغىنغا، 100 دىن ئارتۇق دۆلەتتىن 3 مىڭغا يېقىن كارخانىچى، سىياسىيون، ئاكادېمىك ۋە ئاممىۋى تەشكىلاتنىڭ ۋەكىللىرى ئىشتىراك قىلىدۇ.
مۇناسىۋەتلىك خەۋەرلەر
خىتاي دۇنيا سودا تەشكىلاتىغا ئامېرىكا ئۈستىدىن ئەرز سۇندى
خىتاي ئامېرىكانىڭ توكلۇق ئاپتوموبىل تولۇقلىما سىياسىتى سەۋەبىدىن دۇنيا سودا تەشكىلاتىغا ئەرز سۇندى.