تۈركىيە ئىقتىسادىغا بولغان ئىشەنچ ئىندېكسى نويابىردا ئاشتى

تۈركىيە ئاۋازى رادىيوسى خەۋىرى: تۈركىيە ئىقتىسادىغا بولغان ئىشەنچ ئىندېكسى نويابىردا %7.2 ئېشىپ %86.55گە يەتتى.

تۈركىيە ئىستاتىستىكا ئىدارىسى نويابىرغا مۇناسىۋەتلىك ئىقتىسادىي ئىشەنچ ئىندېكسىنى ئېلان قىلدى.

ئىندېكىسقا ئاساسلانغاندا، ئىقتىسادىي ئىشەنچ ئىندېكسى نويابىردا ئۆتكەن ئايغا سېلىشتۇرغاندا %7.4 ئېشىپ، %80.56دىن %86.55گە يەتكەن، ئىقتىسادىي ئىشەنچ ئىندېكسىدىكى ئېشىشقا ئىشلەپچىقىرىش سانائىتى ۋە مۇلازىمەت ساھەسى ئىشەنچ ئىندېكىسدىكى ياخشلىنىش سەۋەب بولغان.

ئىشلەپچىقىرىش سانائىتى ۋە مۇلازىمەت ساھەسى ئىشەنچ ئىندېكسى نويابىردا ئۆتكەن ئايغا سېلىشتۇرغاندا %7.3 ئېشىپ %107.6، مۇلازىمەت ساھەسى ئىشەنچ ئىندېكسى بولسا %2.4 ئېشىپ %96.78گە يەتتى. 

نويابىردا سودا ساھەسى ئىشەنچ ئىندېكسى ئۆكتەبىر ئېيىغا سېلىشتۇرغاندا %0.2 ئازىيىپ، %96.03كە، قۇرۇلۇش ساھەسى ئىشەنچ ئىندېكسى %6.9 تۆۋەنلەپ %75.75گە چۈشتى.