دۇنيا بويىچە ئەڭ چوڭ نېفىت ساھەسى تېپىلدى

تۈركىيە ئاۋازى رادىيوسى خەۋىرى: ئامېرىكا ئىچكى ئىشلار مىنىستىرلىقىغا قاراشلىق گېئولوگىيەلىك تەتقىقات ئورگىنىنىڭ بىلدۈرۈشىچە، تېكساس ئىشتاتىنىڭ غەربىدىكى پېرمىئېن ۋادىسىدىكى ۋولفكامپ ساھەسىدە تەخمىنەن 20 مىليارد ۋارىللىق خام نېفىت ساھەسى تېپىلغان بولۇپ، ساھەدە يەنە تەخمىنەن 450 مىليارد كۇب مېتىرلىق تەبىئىي  گازنىڭ بارلىقى مۆلچەرلەنمەكتە ئىكەن.

شۇنىڭ بىلەن، ۋولفكامپ نېفىت ساھەسى، سەئۇدى ئەرەبىستاندىكى 75 مىليارد ۋارىل نېفىتى بار گھاۋار ساھەسى، كۇۋەيتتىكى  65 – 70 مىليارد ۋارىل نېفىتى بار بۇرگان ساھەسى، يەنە سەئۇدى ئەرەبىستاندىكى 50 مىليارد ۋارىل نېفىتى بار سافانىيە ساھەسىدىن قالسا، دۇنيا بويىچە ئەڭ چوڭ 4 - نېفىت ساھەسى بولۇپ قالدى.