opék néfit ishlepchiqirishni qisqartish mesilisini muzakire qilidu

néfit éksport qilidighan döletler teshkilati – opék, charshenbe küni (ete) istanbulda néfit ishlepchiqirish miqdarini qisqartish mesilisini muhakime qilidu.

587022
opék néfit ishlepchiqirishni qisqartish mesilisini muzakire qilidu

türkiye awazi radiyosi xewiri: néfit éksport qilidighan döletler teshkilati – opék bash katipi muhemmed barkindo, istanbulda chaqirilghan 23 – nöwetlik dunya énérgiye qurultiyida söz qilip bolghandin kéyin metbuat mensuplirining soallirigha jawab berdi.

opék döletlirining ötken ay aljiriyede chaqirilghan gheyriy resmiy yighinida chiqirilghan <néfit ishlepchiqirishni qisqartish> qararining bir burulush nuqtisi bolghanliqini eskertken barkindo, bu qararning choqum ijra qilinishi kéreklikini tilgha élip ötti.

istanbulda chaqirilghan 23 – nöwetlik dunya énérgiye qurultiyiningmu bu qararlar toghrisida hem ayrim hem ortaq yighin ötküzüsh üchün bir purset ikenlikini bildürgen barkindo, bu yerde échilidighan yighinda hem opék ezaliri hem opék sirtidiki döletlerning ortaq pikirge kélishini kütidighanliqini qeyt qildi. u, aljiriyediki yighinida néfit ishlepchiqirish üchün bir yuqiri ölchem békitip chiqilghanliqini xatiriletken halda, «bu bizning muzakirilirimizning asasiy témisi bolidu. rusiye pirézidénti wiladimir putinmu bu musapide nahayiti ijabiy rol oynidi. seudi erebistan énérgiye ministirimu ishlarning özgergenlikini, ötmüshte turalmaydighanliqini éytti. shunga bizmu bu qararning ijra qilinishi üchün ijabiy pozitsiye bildürülüshini körüshni ümid qilimiz. istanbulgha kelgen énérgiye ministirliri bilen charshenbe küni (ete) saet 14:00 te aljiriyediki yighinda chiqirilghan <néfit ishlepchiqirishni qisqartish qarari> toghrisida kéngesh ötküzimiz. ayrim uchrishishlarmu dawamlashmaqta. istanbuldiki énérgiye ministirliri bu yighinida bolidu» dédi.

muhemmed barkindo, yighindin kéyin yene bir muxbirlarni kütüwélish yighini ötküzüshining mumkinlikini sözlirige ilawe qildi.



مۇناسىۋەتلىك خەۋەرلەر