русийә беларусийәгә нефит експортини азайтиду

түркийә авази радийоси хәвири: русийә енергийә министири александир новак петерсбург шәһиридә өткүзүлгән хәлқаралиқ иқтисад мунбиридә қилған сөзидә, бу йил (2016) ниң тунҗи чарикидә беларусийәгә експорт қилиниши пилан қилинған 250 миң тонна нефитниң 89 миң тоннилиқ қисмини әвәткәнликини, йилниң иккинчи чарикидә һазирчә нефит експорт қилинмиғанлиқини билдүрди. у беларусийәгә қәрзини төлимигәнлики үчүн нефит експортини азайтидиғанлиқлирини, һазирчә қанчилик миқдарда нефит тутуп қелишниң бекитилмигәнликини әскәртти.

русийәниң әң чоң тәбиий газ ширкити һесаблинидиған газпром беларусийәдики дөләт игидарчилиқидики ширкәтләрдин газ пулини  алалмиғанлиқи үчүн май ейида хәлқаралиқ сотқа әрз сунған иди.

беларусийә даирилири өткән ай нефит баһасидики төвәнләш сәвәбидин газпромдин баһада етибар қилишни тәләп қилған, әмма бу тәләп рәт қилинған иди.