украина русийәдин газ сетивалмайду

украина нафто (Naftogaz ) тәбиий газ ширкити русийә газпром ширкити тәклип қилған баһадин газ сетивалмайдиғанлиқини елан қилди.

украина русийәдин газ сетивалмайду

түркийә авази радийоси хәвири: украина нафтогаз сода тәрәққийат мудири йури витренко фәйсбукта елан қилған байанатида, русийә енергийә министирлиқиниң тәбиий газ баһа тәклипини қиммәт көргәнликлирини билдүрди. у: «русийә енергийә министирлиқи газпромниң йилниң 3 – чарикидә газ баһасиниң 177 доллар болидиғанлиқини уқтурди. бу баһа башқа тәңшәшләр билән 183 – 182 доллар болиду. бу баһаниң базар баһасидин төвән икәнлики ейтиливатиду, әмма биз ундақ дәп қаримаймиз. түнүгүн (9 – нойабир) германийә базирида ийун айлиқ баһа 173 доллардин төвән иди. биз керәклик тәбиий газни йавропа базарлиридин сетивалимиз» деди.

газпром ширкитиниң башқурғучилиридин алекси миллер украина нафтогазниң 2016 – йилиниң иккинчи йерими вә келәр йилиниң тунҗи чарикини өз ичигә алидиған шәкилдә рәсмий тәләп сунғанлиқини ейтқан иди.   



مۇناسىۋەتلىك خەۋەرلەر