рус шопурлар түркийәгә кириш үчүн виза алиду

түркийә рус йүк аптомобил шопурлири үчүн түркийәгә кириштә виза елиш бәлгилимисини йолға қойди.

502730
рус шопурлар түркийәгә кириш үчүн виза алиду

түркийә авази радийоси хәвири: хәлқара тиранспортчилар җәмийитиниң иҗраийә һәйити башлиқи фатиһ шәнәр айропилан киризисидин бурун түркийә – русийә оттурисида виза бәлгилимисиниң йоқлуқини, бирақ русийәниң бу йилниң башлирида түркийәлик йүк аптомобил шопирлиридин русийәгә кириштә виза бәлгилимисини йолға қойғанлиқини ейтти, шуниңдин кейин түрк шопурларниң қийинчилиққа дуч кәлгәнликини, шуниң билән, тиранспортчиларниң наилаҗ һазар деңизиға йүзләнгәнликини тәкитләп мундақ деди: «түркийә узун муддәт виза бәлгилимисини йолға қоймиди, бирақ русийәниң бу ембаргосиға хәлқара қанунға асасән инкас қайтурушқа тоғра келәтти. шуңа түркийәму бүгүндин башлап рус шопурларниң түркийәгә кириши үчүн виза бәлгилимисини йолға қойди. рус сийасийонлар айропилан киризисидин кейинки байанатлири сәвәбидин русийәни түрк шопурларға нисбәтән хәвплик һалға кәлтүрди. шундақтиму түркийә рус шопурларға виза бәлгилимисини йолға қоймиди. бирақ руслар түркийәдин барған йүк аптомобиллирини қаттиқ тәкшүрмәктә. түркийә рус шопурларға виза бәлгилимисини йолға қойса, уларму қийинчилиққа дуч кәлсә, улар бу әһвални москваға билдүрүши, шуниң билән, русийәму бу һәқтә қайта ойлиниши мумкин. биз бурунқидәк виза бәлгилимиси йолға қойулмайдиған вәзийәтниң шәкиллинишини чин дилимиздин үмид қилимиз.»



مۇناسىۋەتلىك خەۋەرلەر