türk karxanichilar istanbulda uchrishidu

dunyaning oxshimighan jaylirida yashawatqan 2 ming türk karxanichi aridin besh yil ötkendin kéyin, istanbulda toplinidu.

458034
türk karxanichilar istanbulda uchrishidu

türkiye awazi radiyosi xewiri: dunya türk karxanichilar qurultiyi aridin besh yil ötkende tashqi iqtisadiy munasiwetler kéngishining bashchiliqida ete (26 – mart) qaytidin échilidu. 95 dölettin kelgen texminen 2 ming soda – sanaetchi qatnishidighan qurultayda, türk karxanichilar chet ellerde duch kéliwatqan mesililerning hel qilinishi üchün muzakireler ötküzülidu. dölitimiz jumhur reisi rejep tayyip erdoghan qurultayning échilishida söz qilidu, bash ministir ehmet dawutoghlu soda – sanaetchilerge xitab qilidu.

dunya türk karxanichilar qurultiyining reisi ömer jihad wardan dunyaning her qaysi jaylirida paaliyet qiliwatqan türk karxanichilarni bir yerge jem qilishqa tirishchanliq körsetkenliklirini eskertti. u eslide türk diyasporasini bu künlük astigha toplashqa tirishiwatqanliqlirini bildürdi. u: «türk dunyasi bolush süpitimiz bilen dunya miqyasida küchlük bolidighan bolsaq, undaqta téximu küchlinish üchün néme qilalaymiz, özimiz turuwatqan rayonlarda tesir küchimizni qandaq zoraytalaymiz, buning üstide izdinimiz» dédi.

dunya türk karxanichilar qurultiyi ikki kün dawamlishidighan bolup, qurultayda türkiye shirketliri bilen chet ellerdiki türk shirketliri arisida hemkarliq we shériklik munasiwiti qurush ornitish meqset qilinidu.



مۇناسىۋەتلىك خەۋەرلەر