америка мәркизий банкиси өсүм нисбитини өзгәртмиди

америка мәркизий банкиси (Fed), йеқинқи күнләрдики сәлбий иқтисадий вә пул - муамилә өзгиришлири сәвәбидин өсүм нисбитини өзгәртмиди. бу йилға мунасивәтлик өсүмниң өсүш нисбитини төвәнгә қаратти.

452456
америка мәркизий банкиси өсүм нисбитини өзгәртмиди

түркийә авази радийоси хәвири: америка мәркизий банкисиниң пул сийаситини бекитидиған федератсийә очуқ базар комитетиниң икки күнлүк март ейи йиғини ахирлашти. йиғин мәлуматлириға асасланғанда, көрсәткүч өсүм нисбитини %0.25 дин %0.50 гичә муқим тутуш қарар қилинған.

йиғин қарарида, пул пахаллиқи нисбити өрләватқан болсиму, америка мәркизий банкиси пәрәз қилған %2 лик рәқәмниң астида икәнликини, әмма оттура мәзгилдә пәрәз қилинған рәқәмгә йетидиғанлиқи билдүрүлди. қарар да йәнә, америка мәркизий банкисиниң ишқа орунлишиш вә мал баһасини муқим қилиш нишаниға йетиш үчүн, қәдәм – басқучлуқ һалда өсүмни өстүрүш сийаситини йолға қойидиғанлиқи әскәртилди.

қарарда, дунйа иқтисадий вә пул – муамилә базарлиридики өзгиришләрниң давамлиқ хәтәрлик вәзийәт пәйда қиливатқанлиқи тәкитләнди.

америка мәркизий банкиси өсүмни муқим тутушни қарар қилиштин илгири төвәнләшкә қарап йүзләнгән америка пай чеки базарлири, йиғин қарариниң елан қилинишиға әгишип өрләшкә башлиди.



مۇناسىۋەتلىك خەۋەرلەر