түркийәниң қуддус тәшәббуси утуққа еришти

 

түркийә авази радийоси хәвири: трамниң қуддус қарарини әмәлдин қалдуридиған мәзкур қарар тәклипи көп санлиқниң аваз бериши билән қобул қилинди.

аваз бериш паалийитидә  128 дөләт (рәт қилиш қарар тәклипини) қоллап аваз бәрди. 9 дөләт рәт авази бәрди.

35 дөләт аваз бериштин ваз кәчти.

беләт ташлаш паалийитидин кейин, түркийә ташқи ишлар министири мәвлүт чавушоғлу нутуқ сөзләп, «бу қарар қуддусниң пәләстинниң пайтәхти икәнликини тәкитләйдиған  тарихий әһмийәткә игә бир қарар болди» деди.

трампниң қуддус қарарини әмәлдин қалдуридиған бу қарар тәклипиниң бирләшкән дөләтләр тәшкилати омумий кеңишидә көп санлиқниң аваз бериши билән қобул қилиниши, түркийәдә хошаллиқ билән қарши елинди.

җумһур рәис рәҗәп таййип әрдоған «трамп һөкүмитиниң бу биталәй қараридин ваз кечишини күтмәктимиз» деди.