gérmaniyediki qehriman türk dönerchi
türkiye awazi radiyosi xewiri: shimaliy rén wéstfalya ishtatidiki alténa shehirining sheher bashliqi andrés xollstéyin dönerxanida pichaqliq hujumigha uchrighan. dadisi abdullah demir bilen réstoranida sheher bashliqining jénini qutquzup qalghan ehmet demir, réstoranda ishlewatqanda sheher bashliqi xollstéyin ichige kirip, öyige élip kétish üchün ikki döner buyrutqan. bu jeryanda, ehmet demir burun tonushqan sheher bashliqi xollstéyin bilen paranglashqan. bu chaghda gumandar réstorangha kirip, bir mehel ularning paringigha qulaq salghan we sheher bashliqi xollstéyinning musapirlar siyasitini tenqidlep, rayongha toxtimay chet ellik musapirlarni élip kéliwatqanliqini éytqan, arqidin pichaq bilen hujum qilghan. ehmet demir we abdullah demir gumandar bilen éliship, pichaqni tartiwalghan. shuning bilen, sheher bashliqi qutulup qalghan.
weqedin kéyin, alténa shehiride nurghun kishiler demirji ailisining réstoranigha kélip, körsetken qehrimanliq jasariti munasiwiti bilen ularni tebrikligen.
