трамп йаратқан киризисләр
түркийә авази радийоси хәвири: доналд трамп вәзипигә олтурғиниға 18 ай болди...
бирақ мақуллиған қарарлири америка билән нурғунлиған дөләтләр оттурисида киризис пәйда қилди.
трампниң киризис пәйда қилған тунҗи бәлгилимилири, мексикиға вә мусулманларға қарши йолған қойулған болди.
қошниси мексика билән чеграға там соқуш вәдиси киризис отиниң пиликини туташтурди.
иран, ливийә, сомали, сүрийә, ирақ, йәмән, шималий корейә вә венезуелла пуқралириниң визилирини тоңлитип қойди.
көчмәнләргә қаратқан «чедап турмаслиқ» сийасити нәтиҗисидә, қанунсиз көчмәнләр билән пәрзәнтлирини бир - биридин айрип ташлап, төмүр қәпәзләргә солап қойуши өз дөлитидиму қаттиқ тәнқидкә учриди.
трапниң иккинчи нишани, барак обама дәвридә ниспәтән түзәлгән иран мунасивәтлири болди.
иран билән түзүлгән йадро келишимидин өз алдиғила чекинип чиқти.
трамп дәвридә шималий корейә биләнму йирикчиликләр көрүлүп бақмиған дәриҗидә йуқири көтүрүлди.
өзара қаттиқ байанатларни елан қилишқандин кейин, шималий корейәгә қарши һәрбий таллашниңлму музакирә қилиниватқанлиқини тәкитлиши билән уруш чиққили тас – тамас қалди.
пәләстингә қарши тутқан позитсийәси билән райондики киризисни техиму чоңқурлаштуривәтти.
пүтүн етиразларға қаримастин, қуддусни исраилийәниң пайтәхти дәп қобул қилидиғанлиқини җакарлиди.
14 – майда, америка баш әлчиханисини теләвивдин қуддусқа йөткәп, районни от - йалқун чәмбирикигә айландуруп қойди.
хитай билән сода уруши башлиди.
хитайдин емпорт қилинған 800 дин артуқ мәһсулатларға қошумчә тамужна беҗи қойуш қарари мақуллиди.
трампниң сода урушуниң иккинчи нишани, йавропа иттипақи, хусусән германийә болди.
полат вә алйуминға қошумчә тамужна беҗи қойди.
америкиға мәбләғ салмиған ширкәтләргә ембарго йүргүзүш билән тәһдит салди.
тарихи бойичә оттурисда һечқандақ киризис йүз бәрмигән шималдики қошниси канада биләнму «NAFTA» келишими йүзисидин җедәлләшти.
ахириқи қетимқи киризис нота йүз бәрди.
трамп иттипақдаш дөләтләр әгәр натониң мудапиә хираҗитини ашурмиған тәқдирдә, натодин чеқип кетидиғанлиқи билән тәһдит салди.
