asli güwen: «ghezzede hasil qilinghan urush toxtitish ümid nuri élip keldi

türkiyening birleshken döletler teshkilatidiki daimiy wekillikining waqitliq ishlar bashqurghuchisi asli güwen, kéchikip qalghan bolsimu ghezzede hasil qilinghan urush toxtitishning ümid nuri élip kelgenlikini bildürdi.

2232963
asli güwen: «ghezzede hasil qilinghan urush toxtitish ümid nuri élip keldi

güwen, birleshken döletler teshkilati bixeterlik kéngishide ötküzülgen yuqiri derijilik israiliye-pelestin mesilisige munasiwetlik yighinda söz qildi.

asli güwen: «ghezzede hasil qilinghan urush toxtitish ümid nuri élip keldi. urush toxtitish kélishimining toluq ijra qilinishi, muqimlishishi we ghezzege jiddiy insaniy yardem yetküzüsh muhim ehmiyetke ige» dédi.

israiliyening wedilirige emel qilishini kapaletke ige qilish we muqim urush toxtitishni yolgha qoyushning muhimliqini körsetken güwen, israiliyening ghezzedin chékinishi, insaniy yardemlerning jiddiy we üzülmey yetküzülüshi kéreklikini tekitlidi.

türkiyening birleshken döletler teshkilatidiki daimiy wekillikining waqitliq ishlar bashqurghuchisi güwen: «dawamlishiwatqan qanunsiz ishghaliyet we pelestin xelqining hoquqlirini étirap qilmasliq, toqunushning asasliq amilliridur. türkiye bu asasliq mesililerning hel qilinishini qetiy qollaydu we menggülük tinchliq üchün birdinbir emeliy chare bolghan ikki döletlik hell qilish charisi nishanigha sadiq» dédi.

birleshken döletler teshkilati omumiy yighinining 2024-yili séntebirdiki qararigha asasen, qanunsiz ishghaliyetni axirlashturush we pelestinning toluq eza dölet süpitide étirap qilinishi üchün tirishchanliqlarni kücheytish kéreklikini bildürgen asli güwen: «ötken 15 ayda sadir qilinghan jinayetler jazasiz qalmasliqi kérek. top halda jazalash, puqralarning öltürülüshi we insaniy yardem xadimlirigha qaritilghan hujumlar jazasiz qalmasliqi kérek» dédi.

menggülük we omumyüzlük tinchliqni emelge ashurush üchün söhbetlerning derhal bashlinishi kéreklikini tekitligen güwen, sözini mundaq axirlashturdi:

«mesilining yiltizidiki seweblerni bir terep qilish arqiliq azab-oqubetlerni axirlashturalaymiz we ottura sherqte dawamlashqan tinchliq üchün muwapiq sharaitlarni yaritalaymiz. bu jehette, bixeterlik kéngishini mesuliyitini ada qilishqa chaqirimiz. dölitimiz bu yönilishtiki tirishchanliqlarni qollash we pelestin xelqining yénida turushni dawamlashturidu.»



مۇناسىۋەتلىك خەۋەرلەر