boludiki ot apitide 10 kishi hayatidin ayrilip, 32 kishi yarilandi

ichki ishlar ministiri eli yerlikaya ijtimaiy alaqe hésabida élan qilghan bayanatida, bügün türkiye waqti bilen saet 03:27 de kartalkaya changgha téyilish merkizidiki bir méhmanxanida ot apiti yüz bergenlikige dair xewerni tapshurup alghanliqini bildürdi.

ot apitige taqabil turush üchün her qaysi organlardin 267 xadimning yollanghanliqini we xizmetlerning dawamlishiwatqanliqini bildürgen yerlikaya: «epsuski, qaza qilghanlarning sani 10 gha, yarilanghanlarning sani 32 ge yetti. qaza qilghan puqralirimizgha allahtin rehmet, yaridarlirimizgha tézdin shipaliq tileymen» dédi.

ot öchürüsh dawamlishiwatqan bolup, ot kétish weqesige munasiwetlik edliye tekshürüshimu bashlandi.

emgek we ijtimaiy kapalet ministirliqi teripidin ot kétish weqesini tekshürüsh üchün töt bash mupettish teyinlendi.

jumhur reis yardemchisi jewdet yilmaz, ot kétish weqeside hayatidin ayrilghanlar üchün ijtimaiy alaqe hésabi arqiliq teziye  bildürdi.

jewdet yilmaz uchurida, munasiwetlik organlarning ot öchürüsh xizmetlirini dawamlashturuwatqanliqini tekitlidi.