türkiye: urush toxtitish kélishimidin xursenmiz

türkiye hamas bilen israiliye otturisida imzalanghan urush toxtitish kélishimini qarshi alidighanliqini bildürdi.

2231160
türkiye: urush toxtitish kélishimidin xursenmiz

türkiye tashqi ishlar ministirliqi élan qilghan bayanatta, qatar we misir qatarliq muressechi döletlerge israiliye bilen hamas otturisida tinchliq kélishimi imzalinishi yolida körsetken tirishchanliqliri üchün minnetdarliq bildürüldi.

bayanatta, buningdin kéyin kélishimning barliq basquchlirining emelge éshishi, urush toxtitishning uzun muddetlik bolushi we ghezzege jiddiy insanperwerlik yardem buyumlirini yetküzüp bérishning zörürlüki tekitlinip mundaq déyildi:

«xelqara jemiyet israiliyening bu nuqtilardiki mesuliyetlirini ada qilishini kapaletke ige qilishi kérek.

pelestinde tinchliq ornitilghan we pelestinlikler duch kéliwatqan adaletsizlikke xatime bergendila andin ottura sherqte uzun muddetlik tinchliq we muqimliq ornatqili bolidu.

1967-yilqi chégra liniyeliri asasida paytexti sherqiy quddus bolghan, jughrapiyelik pütünlükke ige, musteqil we toluq igilik hoquqluq pelestin döliti qurush nishan qilinghan tinchliq söhbiti derhal bashlinishi kérek. türkiye kelgüsidiki basquchtimu pelestin xelqini dawamliq qollaydu.»

israiliyening 2023-yili 10-aydin buyan ghezze rayonida dawamlashturuwatqan hujumlirida 45 mingdin artuq pelestinlik qetl qilindi.



مۇناسىۋەتلىك خەۋەرلەر