түркийә: уруш тохтитиш келишимидин хурсәнмиз
түркийә һамас билән исраилийә оттурисида имзаланған уруш тохтитиш келишимини қарши алидиғанлиқини билдүрди.

түркийә ташқи ишлар министирлиқи елан қилған байанатта, қатар вә мисир қатарлиқ мурәссәчи дөләтләргә исраилийә билән һамас оттурисида тинчлиқ келишими имзалиниши йолида көрсәткән тиришчанлиқлири үчүн миннәтдарлиқ билдүрүлди.
байанатта, буниңдин кейин келишимниң барлиқ басқучлириниң әмәлгә ешиши, уруш тохтитишниң узун муддәтлик болуши вә ғәззәгә җиддий инсанпәрвәрлик йардәм буйумлирини йәткүзүп беришниң зөрүрлүки тәкитлинип мундақ дейилди:
«хәлқара җәмийәт исраилийәниң бу нуқтилардики мәсулийәтлирини ада қилишини капаләткә игә қилиши керәк.
пәләстиндә тинчлиқ орнитилған вә пәләстинликләр дуч келиватқан адаләтсизликкә хатимә бәргәндила андин оттура шәрқтә узун муддәтлик тинчлиқ вә муқимлиқ орнатқили болиду.
1967-йилқи чегра линийәлири асасида пайтәхти шәрқий қуддус болған, җуғрапийәлик пүтүнлүккә игә, мустәқил вә толуқ игилик һоқуқлуқ пәләстин дөлити қуруш нишан қилинған тинчлиқ сөһбити дәрһал башлиниши керәк. түркийә кәлгүсидики басқучтиму пәләстин хәлқини давамлиқ қоллайду.»
исраилийәниң 2023-йили 10-айдин буйан ғәззә районида давамлаштуруватқан һуҗумлирида 45 миңдин артуқ пәләстинлик қәтл қилинди.