sheybani: süriye-türkiye munasiwetliri yéngi dewrge qedem qoydi

süriye tashqi ishlar ministiri sheybani süriye-türkiye munasiwetlirining yéngi dewrge qedem qoyghanliqini bildürdi.

2231336
sheybani: süriye-türkiye munasiwetliri yéngi dewrge qedem qoydi

süriyediki yéngi hökümetning tashqi ishlar ministiri esed hesen sheybani tunji qétim bir türkiye téléwiziye qanilining mexsus söhbet pirogrammisigha chiqip, türkiye-süriye munasiwetlirige dair muhim bayanatlarni élan qildi.

süriye tashqi ishlar ministiri t r t xewer qanilining mexsus söhbet pirogrammisida, süriyening türkiye bilen bolghan diplomatik munasiwetlirini eng yuqiri sewiyege kötürüshni pilanlawatqanliqini ilgiri sürüp: «süriyening bixeterliki türkiyening bixeterliki, türkiyening bixeterliki süriyening bixeterlikidur. biz süriye zéminidin bashqa döletlerge tehdit élip kélidighan her qandaq amilgha qetiy qarshi turimiz we bu mesilide nahayiti téz heriketke ötimiz» dédi.

sheybani jumhur reisi rejep tayyip erdoghanning süriye xelqining iradisini qollighanliqini alahide tilgha élip, türkiye bilen süriyening ortaq menpeetlirige xizmet qilidighan yéngi bir siyasiy dewrning bashlanghanliqini tekitlidi.

israiliyening süriyege qaratqan hujumliri heqqidimu toxtalghan sheybani: «biz wetinimiz we xelqimizni qoghdashta qetiy ching turimiz. yéngi tehditlerge qarshi hoshyarmiz» dégenlerni qeyt qildi.

süriye tashqi ishlar ministiri sözlirini türkche: «qérindash türk xelqige qilghan barliq ishliri üchün rehmet éytimiz» dégen sözler bilen axirlashturdi.



مۇناسىۋەتلىك خەۋەرلەر