تۈركىيە دائېشنىڭ مەغلۇب قىلىنىشى مۇناسىۋىتى بىلەن ئىراقنى تەبرىكلىدى
تۈركىيە تېررورلۇق تەشكىلاتى دائېشنىڭ ھەربىي جەھەتتىن مەغلۇب قىلىنىشىنىڭ 7-يىللىقى مۇناسىۋىتى بىلەن، ئىراق ھۆكۈمىتى ۋە پۈتكۈل ئىراق خەلقىنى تەبرىكلىدى.
2219313
تۈركىيە تاشقى ئىشلار مىنىستىرلىقى تېررورلۇق تەشكىلاتى دائېشنىڭ ئىراقتا ھەربىي جەھەتتە مەغلۇب قىلىنغانلىقىنىڭ خاتىرە يىلى مۇناسىۋىتى بىلەن يازما بايانات ئېلان قىلدى.
باياناتتا، تېررورلۇق تەشكىلاتى دائېشنىڭ ئىراقتا ھەربىي جەھەتتە مەغلۇب قىلىنىشىنىڭ 7-يىللىقى مۇناسىۋىتى بىلەن، ئىراق ھۆكۈمىتى ۋە پۈتكۈل ئىراق خەلقىنى تەبرىكلىگەنلىكى بىلدۈرۈلدى.
باياناتتا، بۇ كۈرەش جەريانىدا ھاياتىدىن ئايرىلغان ئىراقلىقلارغا ئاللاھتىن رەھمەت تىلەندى ۋە: «دۆلىتىمىز رايونىمىزدا بىخەتەرلىك ۋە مۇقىملىق يارىتىش جەھەتتىن ئەھمىيەتلىك قەدەملەرنى تاشلاۋاتقان ئىراققا، دائېش، پ ك ك قاتارلىق بارلىق تېررورلۇق تەشكىلاتلىرىغا قارشى كۈرەشلىرىدە كېرەكلىك ياردەملەرنى قىلىشنى داۋاملاشتۇرىدۇ» دېيىلدى.
