türkiyediki süriyelik panahlanghuchilar dölitige qaytishqa bashlidi

uzun yillardin kéyin öz dölitining azad qilinghanliqini qizghin qarshi alidighanliqini bayan qilghan zin mundaq dédi: «yolimiz échildi, esed qachti, urush axirlashti. men istanbulda 10 yil turdum, allah türklerge bext ata qilsun, ular bizge köp yardem qildi.»

eli hasiko özlirining yurti hamagha qaytishni 12 yildin béri saqlawatqanliqini eskertip, türkiyege minnetdarliqini bildürdi we: «türkiyening bizge ishikini achqanliqigha rehmet éytimen» dédi.

ibrahim el mutamu 6 kishilik ailisidikiler bilen hamagha qaytishni kütüwatqanliqini éytti.

türkiyede texminen 11 yil turghanliqini bayan qilghan el muta: «allahqa shükri, urush axirlashti, türkiye bek güzel, emma wetinimiz süriyedur» dédi.

süriyede 27-noyabirda (2024) hakimiyet küchliri bilen öktichi qoralliq guruppilar arisida toqunushlar keskinleshken idi.

paytext demeshiqqe 7-dékabirda kirishke bashlighan öktichi guruppilarni xelq ammisiningmu qollap quwwetlishi bilen, hakimiyet demeshiq we bashqa nurghun rayonlarda kontrolluqini pütünley yoqitip, yiqilghan idi.

tünügün (2024-yili 8-dékabir) baas partiyesining dölettiki 61 yilliq hakimiyiti ayaghlashqan we hakimiyet rehbiri beshshar esed paytext demeshiqtin qachqan idi.