jumhur reis erdoghan yashlar bilen uchrashti

jumhur reis erdoghan hepte axirida ziyaret qilghan ghaziantepte yashlar bilen uchrashti.

erdoghan uchrishishta bir oqughuchining: «xelqara jinayi ishlar sot mehkimisining israiliye bash ministiri bényamin nétanyahu heqqidiki qolgha élish qararigha qandaq qaraysiz?» dégen soaligha mundaq jawab berdi:

«xelqara jinayi ishlar sot mehkimisi nahayiti toghra bir qarar chiqardi. emma buningdin burun chiqirilghan qararlarghimu nétanyahu héchqachan boysunmighan, buningghimu boysunmaydu. boysunsimu, boysunmisimu bu qarar israiliyege qarshi döletlerning sherep kürishining ghelibige érishkenlikini körsitidu, bu nahayiti muhimdur.»

jumhur reis erdoghan dunyaning nahayiti özgiche bir basquchni bashtin kechürüwatqanliqini tekitlep mundaq dédi:

«hazir amérika qoshma ishtatlirida tramp hökümiti hakimiyet béshigha chiqti. tramp bilen amérikadiki yéngi hökümetning qandaq shekillinidighanliqini körimiz. bu özgirishler bilen teng dunyamu tamamen perqliq bir yönilishke qarap ilgirilimekte. bu nuqtidin élip éytqanda, aldimizdiki 2-3 ay nahayiti muhim.»

u yene, israiliyening irqiy qirghinchi bash ministiri bényamin nétanyahuning xelqara jinayi ishlar sot mehkimisining qararigha boysunushini kütmeydighanliqini, emma bu qararning israiliyege qarshi döletlerning sherep kürishining muweppeqiyetke érishishi jehettin nahayiti zor ehmiyetke ige ikenlikinimu sözlirige ilawe qildi.