erdoghan: «süriyening tinchliq we xatirjemlikke sazawer bolushini arzu qilduq»

jumhur reis shundaqla edalet we tereqqiyat partiyesi reisi erdoghan, ghaziantepte ötküzülgen aq partiye 8- nöwetlik wilayetlik qurultiyida nutuq sözlidi.

erdoghan insaniyliq we qérindashliq jehettin sinaq bolghan süriye kiriziside namayan qilghan wijdanliq mewqesi üchün ghaziantep xelqini tebriklidi we: «13 yil boyiche mezlumlargha ige chiqtinglar. qérindashliq heq - hoquqigha riaye qildinglar» dédi.

erdoghan süriyediki ehwalar üstidimu toxtilip: «idlibte barghansiri kücheytilgen halda puqralargha qilinghan hujumlar sebir qachisini toldurghan axiriqi tamchigha oxshash, bu yéngi weqelerni qozghighanliqi éniq. türkiyening 910 kilométir uzunluqta chégrisi bolghan bir dölettiki ehwallargha közini yumup turiwilishi hergiz mumkin emes» dédi.

türkiyening héchbir döletning zéminida közi yoqliqini tekitligen erdoghan, «türkiye bolush süpitimiz bilen ümidimiz, qoshnimiz süriyening 13 yildin béri séghinghan tinchliq, muqimliq we xatirjemlikke tézdin sazawer bolushidur» dédi.

erdoghan süriyening nurghun tragédiyelerge, qirghinchiliqlargha we insaniyetke zit ishlargha shahit bolghanliqini tekitlep, süriye zéminiining bixeter bolushini arzu qilghanliqini bildürdi.

erdoghan: «türkiye bolush süpitimiz bilen milliy bixeterlikimizge we menpeetimizge ziyan yetküzidighan héchqandaq qedemge yol qoymaydighanliqimiz bilinishi kérek. mesuliyet tuyghusi bolghan barliq aktiyorlar we xelqaraliq teshkilatlar süriyening zémin pütünlükini qoghdashqa yardem qilishi kérek, bu pütün rayonimiz üchün eng yaxshi yol bolidu» dédi.