yawropa bixeterlik we hemkarliq teshkilati ministirlar kéngishi yighini maltada ötküzülidu

yawropa bixeterlik we hemkarliq teshkilatining 31-nöwetlik ministirlar kéngishi yighini 2024-yili 5-6-dékabir künliri maltaning walétta shehiride ötküzülidu؛ yighingha türkiyege wakaliten tashqi ishlar ministiri xaqan fidan ishtirak qilidu.

yawropa bixeterlik we hemkarliq teshkilatining eng muhim qarar chiqirish we ijra qilish orgini bolghan ministirlar kéngishi yighini her yil axirida ötküzülidighan bolup, 40 qa yéqin döletning ministirliri qatnishidu.

yawropa-atlantik we yawroasiya rayonining bixeterlik weziyiti we küntertiptiki mesililerning muzakire qilinishi kütülüwatqan yighinida, ministir xaqan fidan yawropaliq mensepdashlirigha xitab qilidu.

u sözide türkiyening ukrainaning zémin pütünlüki we igilik hoquqini qollaydighanliqini, adil we uzaq muddetlik tinchliqni ishqa ashurush üchün diplomatiye we diyalogni aldinqi orungha qoyidighanliqini tekitleydu.

yighinda israiliyening ghezzege qaratqan hujumlirimu otturigha qoyulidu؛ fidan ottura sherqte uzaq muddetlik tinchliq we muqimliq ornitishning yawropa bixeterlik we hemkarliq teshkilati üchünmu muhimliqi ikenlikini eskertip ötidu.

bu yilqi yighinda yene yawropa bixeterlik we hemkarliq teshkilati bash katipliqi qatarliq yawropa bixeterlik we hemkarliq teshkilatidiki töt yuqiri derijilik orungha mesul teyinlesh mesililirimu muzakire qilinidu.