jumhur reis erdoghan wiladimir putin bilen téléfonlashti

türkiye jumhuriyiti jumhur reislik mehkimisi uchur – alaqe ishliri idarisi bayanat élan qilip, jumhur reis erdoghan bilen rusiye pirézidénti putinning téléfonliship, türkiye-rusiye munasiwetliri, süriyediki eng yéngi özgirishler hemde dunyawi we rayon xaraktérlik mesililer toghrisida sözleshkenlikini bildürdi.

bayanatta körsitilishiche, jumhur reis erdoghan söhbet jeryanida, türkiyening bir tereptin süriyening zémin pütünlükini qollashni dawamlashturuwatqanliqini, yene bir tereptin süriye mesilisige adil we uzun muddetlik hel qilish charisi tépish üchün tirishiwatqanliqini tekitligen hemde bu qedemler bilen birlikte, rayonda diplomatiyege téximu köp purset yaritip bérishning muhimliqini, bu jeryanda süriye hakimiyitining siyasiy hel qilish jeryanigha qatnishishi kéreklikini bildürgen.

süriyening nöwettiki weziyitide eng muhim mesilining puqralargha ziyan yetmesliki ikenlikini tekitligen jumhur reis erdoghan, süriyening téximu éghir muqimsizliqning menbesi bolup qalmasliqi kéreklikini, türkiyening süriyede tinchliqni eslige keltürüsh üchün qolidin kélidighan barliq tirishchanliqni körsitiwatqanliqini tekitligen.

jumhur reis erdoghan türkiyening süriyediki eng yéngi weziyettin paydilinishqa urunuwatqan bölgünchi térrorluq teshkilati p k k we uning gumashtilirigha qarshi küresh qilish iradisining qetiy ikenlikini tilgha élip ötken.