gérmaniyede hujumgha uchrighan türk qizining ehwali yaxshiliniwatidu.
tünügün gérmaniyening duysburg shehiridiki bir bashlanghuch mektepte hujumgha uchrighan 12 yashliq türkiye puqrasi ayshegülning ehwali yaxshiliniwatidu.
türkiye awazi radiyosi xewiri: türkiye tashqi ishlar ministirliqi bayanat élan qilip, tünügün gérmaniyening duysburg shehiridiki bir bashlanghuch mektepte hujumgha uchrighan 12 yashliq türkiye puqrasi ayshegülning ehwalining yaxshiliniwatliqini we pat arida doxturxanidin chiqishining kütülüwatqanliqini bildürdi.
ministirliqning ammiwi ortaqlishish tor béti X sehipiside élan qilinghan bayanatida mundaq déyildi:
«tünügün gérmaniyening duysburg shehiridiki bir bashlanghuch mektepte hujumgha uchrighan 12 yashliq puqrayimiz ayshegülning ehwali yaxshiliniwatidu, uning pat yéqinda doxturxanidin chiqidighanliqidin xewer tapqandin kéyin intayin xursen bolduq. dusséldorf bash konsulxanimiz tekshürüsh jeryanini yéqindin küzetmekte. ayshegül we ailisidin hal soraymiz hemde ayshegülge shipaliq tileymiz.»
