ئەمىنە ئەردوغان ب د ت باش كاتىپى ئانتونىيو گۇتېررېس بىلەن كۆرۈشتى
جۇمھۇر رەئىس رەجەپ تاييىپ ئەردوغاننىڭ رەپىقىسى ئەمىنە ئەردوغان، ب د ت ئىقلىم ئۆزگىرىشى چەمبەر كېلىشىمى 29- كۋەتلىك تەرەپلەر يىغىنىدا ب د ت باش كاتىپى ئانتونىيو گۇتېررېس بىلەن كۆرۈشتى.
تۈركىيە ئاۋازى رادىيوسى خەۋىرى: ئۇچرىشىشىتا ئەمىنە ئەردوغاننىڭ تەشەببۇسى بىلەن باشلانغان «نۆل تاشلاندۇق لايىھەسى» گە مۇناسىۋەتلىك خىزمەتلەر، بولۇپمۇ ئىقلىم ئۆزگىرىشىگە قارشى كۈرەش ۋە مۇھىت مەسىلىلىرى مۇھاكىمە قىلىندى.
ئەمىنە ئەردوغان، رەئىسلىك ۋەزىپىسىنى ئۆتەۋاتقان ب د ت يۇقىرى دەرىجىلىك «نۆل تاشلاندۇق لايىھەسى» مەسلىھەت كېڭىشىنىڭ خىزمەتلىرى ھەققىدە گۇتېررېسقا مەلۇمات بەردى.
ئەمىنە ئەردوغان، ئۇچرىشىش ھەققىدە ئىجتىمائىي تاراتقۇدا ئۇچۇر ھەمبەھىرلەپ: «مەن رەئىسلىك ۋەزىپىسىنى ئۆتەۋاتقان ب د ت <نۆل تاشلاندۇق لايىھەسى> يۇقىرى دەرىجىلىك مەسلىھەت كېڭىشىنىڭ ئىقلىم ئۆزگىرىشىگە قارشى كۈرەشنى كۈچەيتىش مەقسىتىدە ئېلىپ بېرىۋاتقان خىزمەتلىرىمىز ھەققىدە مەلۇمات بەردىم. ھۆرمەتلىك باش كاتىپنىڭ بۇ مۇھىم جەرياندا كۆرسەتكەن يېتەكچىلىكى ۋە قوشقان تۆھپىلىرى ئۈچۈن رەھمەت ئېيتىمەن» دېدى.
