erdoghan bakuda engliye bash weziri bilen körüshti

türkiye awazi radiyosi xewiri: erdoghan islam hemkarliq teshkilati we ereb elliri ittipaqining pewquladde birleshme yighinidin kéyin, ezerbeyjangha yétip bérip, paytext bakuda chaqirilghan birleshken döletler teshkilati dunya rehberliri kilimat özgirishi bashliqlar yighinigha qatnashti.

erdoghan bakuda ezerbeyjan pirézidénti ilham eliyéw we birleshken döletler teshkilati bash katipi antonyo gutérrés teripidin qarshi élindi.

erdoghan yighin munasiwiti bilen bakuda engliye bash weziri kéyr starmér bilen körüshti.

körüshüshte, türkiye – engliye munasiwetliri, rayonluq we xelqaraliq mesililer muzakire qilindi.

jumhur reis erdoghan körüshüshte türkiye – engliye otturisidiki munasiwetlerni rawajlandurush, soda hejimini ashurush üchün tirishchanliqlarning üzlüksiz dawamlishidighanliqini bayan qildi.

u ukraina, pelestin we liwanni öz ichige alghan rayondiki toqunushlarni axirlashturush üchün, türkiyening körsitiwatqan tirishchanliqlirining izchil dawamlishiwatqanliqini tekitlidi.