erdoghan bakuda eliyéw, sandu we toqayéw bilen körüshti
dölitimiz (türkiye jumhuriyiti) jumhur reisi rejep tayyip erdoghan bakuda ezerbeyjan pirézidénti ilham eliyéw, qazaqistan pirézidénti qasim jomert toqayéw we moldowa pirézidénti maya sandu bilen körüshti.
türkiye awazi radiyosi xewiri: jumhur reis erdoghan bakuda chaqirilghan birleshken döletler teshkilati kilimat özgirishi ramka kélishimige eza döletlerning 29 – nöwetlik dunya rehberliri bashliqlar yighini dairiside, ezerbeyjan pirézidénti ilham eliyéw bilen bir yerge jem boldi.
türkiye jumhuriyiti jumhur reislik mehkimisi uchur – alaqe ishliri idarisining ammiwi ortaqlishish tor bétidiki sehipiside élan qilinghan bayanatta körsitilishiche, körüshüshte ikki rehber türkiye - ezerbeyjan munasiwetlirini téximu ilgiri sürüsh iradilirining qetiylikini ipadiligen.
jumhur reis erdoghan körüshüshte birleshken döletler teshkilati kilimat özgirishi ramka kélishimige eza döletlerning 29 – nöwetlik dunya rehberliri bashliqlar yighinigha sahibxaniliq qilghanliqi üchün ilham eliyéwgha rehmet éytqan.
erdoghan kéyinche qazaqistan pirézidénti qasim jomert toqayéw we moldowa pirézidénti maya sandu bilen körüshken.
körüshüshler axbarat wasitilirigha yépiq halette emelge ashurulghan.
jumhur reis erdoghan yighin dairiside, bakuda engliye bash weziri kéyr starmér bilenmu körüshken idi.
مۇناسىۋەتلىك خەۋەرلەر
ispartada herbiy tik uchar chüshüp ketti
ispartada herbiy tik uchar ayropilanning chüshüp kétishi netijiside 6 esker shéhit boldi.
